عطر التراب

يا دوبي هابدأ أمسك قلم

وأخط بيه علي سطر الألم

وأكتب كلامي من العدم

ولا يبقي عندي ذرة ندم

وأشوف حروفي بتترسم

رسمة شموس بتبتسم

والكلمة من سن الوسم

تحكي حكاوي الصحراوية

وتشق بيه درب العيون

وتشوف جفون مرغرغة

والدمعة لامسه خدها

وعلي نحرها خط السبيل

ويا الدليل مادد إيديه

وقال دي نجمة في السما

متوسمة فيا الأمان

تسمع كلامي في السكوت

لو حتي يجي وقت المنام

وتشد إيدي في الظلام

وفي حضنها ريحة تراب الصحراويه

والنسمة جاية مهفهفة .. متلهفة

تحضن حبيب ماسك معاه ورقة وقلم .........