اطعم الفم تستحى العين

قابلنى بعد غياب السنين :ــ
كنا زملاء الدراسة ، واتفرقنا بعد المرحلة الأبتدائية وكل
واحد شق طريقه فى الحياة ، واتغيرت الملامح وشكل الطفولة
راح وجه مكانه شكل تانى ، أنا شعر راسى خط فيه البياض
وهو لسه ماشالله عليه ؟ كأنه ابن عشرين تلاتين ، وعرفنى
أول ما شافنى ، وحكينا ذكريات الطفولة واسترجعنا أيام الشقاوه
ولما خلص الكلام قالى : أنا عازمك عندى لأنى عامل حفل على
شرف النائب بتاعنا الجديد فى مجلس الشعب مانت عارفه .....
اللى كنا بنعمل معاه عمايل فاكر لما كان يجى عندكم أنا وهو نذاكر
والحاجه تعمل لنا سد الحنك ، كانت أيام ، واستكمل أوعى متجيش
العنوان معاك ، وجه الميعاد ولبست الحته اللى ع الحبل واتهنتفت
وخدت بعضى ورحت ، ولقيت ناس كده أفنديه واقفين على باب
الفيلا وسألنى واحد منهم رايح فين ياسيد ؟ قلتله : أنا مدعوا ـ المهم
دخلت وانا روكبى بتخبط فى بعض من اللى شايفه قدامى ؟
إيه ده ستات قمرات لابسين ملابس ذى اللى بنشوفها فى السيما ،
ولا إيه . كل واحد معاه واحده من الهوانم وياحسره أنا عمال اتفرج
وبس لحد ماعدى واحد كده زى اللى بنشوفه قدام محل الحاتى وشايل
صنيه على إيده ، وقدملى كبايه وفيها عصايه زى اللى بتسلك السنان
المهم محدش عبرنى لحد ماسمعت صوت بيقول : سيادة النائب
ولقيت الكل بيثقف ثقفت زيهم ، وقعد سيادة النائب يسلم عليهم واحد
واحد وكان مهتم بالجنس اللطيف أكتر ، لحد ما جه عندى ، ولسه
حاقول أهلا يا لقيت صاحبى قال خلاص خلاص وبعده عنى ،
وشويه وقال : البوفيه على شرف سيادة النائب ، ولقيت كله مسكله
طبق وقعد يحط فيه مالذ وطاب ، واخدت طبق ورحت اعمل زيهم
لقيت صاحبى قاللى انت رايح فين لأ انت أكلك فى مكان تانى وخدنى
ودانى المطبخ وسمعته بيقول للسفرجى أكلوه هنا مش عاوز فضايح
المهم سألت السفرجى هو بيعمل كده ليه دانا صاحبه وهو اللى
عازمنى ؟ السفرجى قال : انت باين عليك راجل طيب ، وانت مالك
والطبقه البرجوازيه المخمليه دى قلت والله أنا مليش دعوه بيهم ده
هو اللى عزمنى لأنه كان صاحبى ، وفضلت قاعد أتفرج عليهم من
ورا الباب لحد ماجه صاحبى اللى كان صاحبى ، وقلتله : انت ليه
مخلتنيش اتكلم مع صاحبنا ورد وقال ياأخى أنت فين وهو فين ،
ورديت وقلت : فين إيه وبتاع إيه دا لسه كان قاعد معانا ع القهوه
علشان الأنتخابات وبيتحايل علينا علشان نديله صوتنا ؟
رد وقال : انسى أنت عارف أنا عامل الحفله ليه ، قلت ليه . قال :
علشان . إطعم الفم تستحى العين ، والدنيا مصالح ياسى صالح ، تيجى
انت عاوز تبوظ الشغل اللى مظبطه . الدنيا دلوقتى شيلنى وشيلك ،
والنهارده ليك بكره ليه ، تعرف تعمل كده تسلك وتبقى عال ماتسلكش
خليك مكانك فهمت ولا لاء ..

وللحديث بقية

الحيتان الغيلان .. وعلو البنيان ؟؟؟

الحيتان : اسم أطلقناه على كل من لديه القدرة على أخذ كل شىء ، ومن قبله
اطلقنا القطط السمان ؟
سبحان العاطى الوهاب :ـ مجتمع قل فيه ما تشاء ، ؟ أصبح فيه العلم رياء
ونفاق ، وزيرة العمل تطالب أصحاب الشهادات العليا بالعمل حراس أمن
( بوابيين ) كنت قد غبت عن البلد مدة من الزمن للعمل فى الخارج ، ورجعت
ورأيت عجب العجاب ! يقولون أنهم يحاربون العشوائيات ؟ كيف وقد تطاول وعلى
فيها البنيان . تغلب فيها من يفهم لغة ( إدينى فى الهايف يانانس ) على صاحب العلم
والمعرفة ــ فى بلاد العالم المتحضر الكل يتعلم النظام وحدوده من القانون ما ذا يفعل
وما لايفعل ، أصبح من لا فكر لديهم أصحاب أعمال ونفوذ بسلطة المال ، الحرام الحرام
رجعت ورأيت كيف يكون كسب المال ، تركت منطقتى التى كنت أسكن بها وسافرت
وكانت مبانيها لايتعدى إرتفاع المبنى ثلاثة أدوار أو أربعة بالأكثر ، ورجعت ورأيت العمارات
الشاهقة ، المقاول كما يطلق عليه يذهب إلى أصحاب المنزل بالوراثة ، ويبدأ الأتفاق ؟ وليس
بيع وشراء ولكن لك عدد شقق ولى الباقى ، وفى خلال مدة لا تتعدى الشهرين تجد عمارة
وأصبحت شاهقة العلو ، والخدمات فى المنطقة هى هى ولا وجود لمحافظ فى المدينة ولمن
يطلق عليهم المحليات ، ولغة المال والرشوة هى المسيطرة ، يحضر إليك مهندسى الحى
والدور من البنيان له تسعيرة ، ومحاضر وهمية باسم ما يطلق عليه الكحول الذى ليس له
وجود ويحضر رجال الداخلية وأيضا لهم تسعيرة ، وحيتان البنيان يعرفون الطريق وأصبحت
الأزقة والشوارع كتل من الأرتفاعات الأسمنتية ، والحكومة عنهم غائبة بفعل الرشوة العلنية
والتى أصبحت سمة من سمات كيف تنهى عملك ، فلل المدينة الأثرية تهدمت بفعل الحيتان
وأصبحت عمارات شاهقة ، والخدمات الأساسية من مرافق لم تتغير ، ويبقى السؤال .
لماذا سمى المحافظ بهذا الأسم ومن هم أعضاء المجالس المحلية وما هى وظيفتهم
هل أصبحت الجباية والرشوة لغة التعامل مع من هم مسؤلون عن البلد ، وهل أصبح
الفساد يتغلغل ويستشرى فى الأجهزة التنظيمية للبلد ، وهل الأجهزة الرقابية تقوم بواجبها
وأين المحاسبة لمن يخطىء ، ولماذا كل القرارات تنفذ على المواطن الفقير دون غيره .
أليس كلنا سواسية فى المواطنة ، أم المواطنة بها تفرقة .
وللحديث بقية ودمتم ..

سوء الظن ، وحسنه ، وقصة رائعة ؟؟؟

سوء الظن : يؤدى إلى المهالك بصاحبه . فصاحب الظن السيء فى المقام
الأول ضار بنفسه ، وبإسرته والمجتمع من حوله ، وكم من جرائم كثيرة
ارتكبت بسوء الظن ، فكم من أب قتل إبنته بسوء الظن ، وكم من رجل هدم
بيته وطلق امرأته بسوء الظن ، وكم من صديق فقد صديقه بسوء الظن ، وكم
من حوادث جسام تقشعر لها الأبدان ارتكبت بسوء الظن ؟
ومن سلم من سوء الظن بالناس سلم من تشويش القلب واشتغال الفكر
فإساءة الظن تفسد المودة وتجلب الهم والكدر .
ولو إستمعنا إلى قول الله سبحانه لاسترحنا وأرحنا وقد قال تعالى فى محكم
آياته ( ياأيها الذين آمنوا أجتنبوا كثيرا من الظن إن بعض الظن إثم )
الحجرات :ـ 12
والأصح للإنسان أن يحسن الظن بالله أولا وبالناس خيرا ثانيا ، وقد قال :
سعيد بن جبير فى دعائه . اللهم إنى أسألك صدق التوكل عليك وحسن الظن
بك ، ويقول الحق تبارك وتعالى فى حديثه القدسى : أنا عند ظن عبدى بى
إن ظن خيرا فله وإن ظن شرا فله . رواه مسلم .
وأسوق أليكم قصة قرأتها قديما عن حسن الظن بالله ، وللأمانة الكتابية لا
يستحضرنى كاتبها ؟ فهى من القصص القديم .
يحكى أن رجلا صالحا يحسن الظن بالله فى أفعاله وأقواله ، أراد أن يحج
إلى بيت الله الحرام ، وكان السفر فى وقتها يأخذ من الوقت الكثير ، وكانت
امرأته حامل وعلى مقربة من الولادة ، فوضع يده على بطن امرأته وقال :
إستودعتك عند الله أمانة ، وسافر الرجل وقضى حجه ومنسكه ، ولما عاد
إلى بيته لم يجد امرأته فى البيت ، وسأل عنها ؟ فقيل له إمرأتك ماتت . فقال :
وأين مافى بطنها ( وليده ) فقيل له : مات فى بطنها . فقال الرجل : هذا محال لقد
استودعته عند من لا تضيع الودائع عنده !
أرونى قبرها ؟ وذهب الرجل إلى القبر ، وفتحه فوجد طفله الرضيع يلطقم ثدى
أمه والباقى منها عظاما !
وقال الرجل : الم أقل لكم لقد قال الله أنا عند حسن ظن عبدى بى ، وأنا
أحسن الظن بخالقى .
سبحانك يا مقلب القلوب جل شانك ..
وللحديث بقية .

بتحرق نفسك ليه

صباح الخير عليكم ياأهل بلدى ياطيبين : ومساء الخير لو وقعت عنيك على الكلام بالليل ،
طبعا الدنيا برد , وأكيد قاعد تحت الباطنيه ومتغطى باللحاف ، وحاطط اللا بتوب على رجليك وعمال تدور على الأخبار الجديد ه وتشوف كام واحد ولع فى نغسه . وممكن تكون متضايق فى الوقت ده من نفسك أو من مراتك ، وتقوم تولع فى نفسك ، وممكن تغير تفكيرك وتجيب الجدع اللى بيقولك : جرب نار الغيره ، ولا حبك نار ، ولا الواد اللى بيتنطط وبيقول النار النار النار ، فى بعض الأحيان بنسمع البنت بتقول ياتجوزه ياولع ف نفسى ، وكمان لما واحد تكون مراته معكننه عليه ويقولها ياعنى أولعلك ف نفسى ، ومع كده برضه بنسمع فى الأفراح ولعها ولعها . شعللها شعللها . صاحبنا بتاع تونس الخضرا اللى خلاها حمرا . كسب إيه لما ولع فى نفسه وحبايبنا اللى قلدوه كسبوا إيه ، حايغيروا اسم شارع مجلس الشعب ويخلوه شارع المحروقين ؟ بتطلع علينا الحكومه وتقول دول مجانيين ، وليهم ملفات فى الخانكه ولا فى العباسيه ، بس انا عندى سؤال محيرنى ؟ همه ليه اللى بيحرقوا نفسهم ليهم ملفات بتظهر ، والناس الرايقه لأ ؟ معنى كده إن الشعب كله ملفاته حاتظهر ، ونطلع كلنا مجانيين ، بلاش من الحرق ونضحك علينا الأعادى اللى قاعدين يتفرجوا إذاى بنحرق نفسنا ، وخلونا نقول : بينى وبين أيامى حرب ماتنتهيش ، وذى كل الناس باموت علشان أعيش ، أتمنى أروح عندهم ، جهدى على جهدهم ، يصبح وجودنا قوه بعد ما كان مفيش ، وبلاش نحرق ف نفسنا ، ولابد من يوم يبعدوا عننا وآخر كلمة باقولها ــ لو دامت لغيرك ما وصلت إليك ....

اللي ما يعرفش يقول عدس

طبعا الكل يعرف المثل اللي بيقول .. "اللي ميعرفش يقول عدس" .. بس حد يعرف إتقال ليه ، وبسبب إيه ؟

يمكن في بعض من اخوانا يعرفوا اصل المثل لكن عموم الناس بتعرف تاكل العدس وبتشرب العدس .. واللي ما بيعرفش يقول عدس ....

يقال أنه إمرأه إتفقت مع عشيقها يجيلها بعد جوزها ما يخرج من البيت .. وقالت لجوزها ابقي هات عدس معاك المهم الزوج خرج والعشيق

دخل .. الزوج رجع وجايب العدس معاه دخل لقي الحادثه قدام منه .. العشيق هرب.. طلع يجري ورا منه مسكه وكان في ايده العدس

الناس إتلمت العشيق قال لهم بيضربني علشان شوية عدس .. الناس قالت ياعم حرام عليك بتضربه علشان شوية عدس .. الزوج قال صحيح

" اللي مايعرفش يقول عدس " ؛ ومن هنا كان المثل ..........

أنا باكتب المثل ده علشان الأستاذ / مصطفي بكري النائب المحترم ما يزعلش .. من رجوع ما شهد بما شهد من قول الحق ..

يا استاذ مصطفي .. النواب بتوعنا محصنين ضد التقارير ولا يهمهم حاجه .. وبعدين إزاي عاوز تحاسب رئيس الوزراء ، وكمان وزير

الماليه اللي بيصرف علينا وبيأكلنا .. يا أستاذ مصطفي همه مش هيقتلوك ولا حاجه.. بس هيسيبوك تهاتي .. وروح النيابه وتعالي من النيابه

ونشوف مين اللي يتعب .. وفي النهايه احكيلك حكايه .......

أقرع قابل أقرع صاحبه .. قاله ما تيجي نروح أرض القرعان نزرع ونقلع .. وإيش ما يطلع يطلع.. بس علي شرط .. النص ليه ، والربع

ليه ، والثمن ليه ، والثمن ليه وليك . . وسلامتك ..................

يوم الحساب

مش مهم .. صوتي وصوتك يسمعه

مش مهم .. إن الكلام راح يوجعه

مش مهم .. الظلم عنا راح يرفعه

مش مهم .. قطرالغلابه يولعه

مش مهم .. مصنع يقفله ويشمعه

مش مهم .. البلد راح تنسرق

مش مهم .. قوانين بلدنا بتنسلق

مش مهم .. إن الآمال راح تنحرق

مش مهم .. خيرنا لغيرنا يندلق

مش مهم .. لينا حق أو مستحق

مش مهم .. نحط إيدنا ف كل شق

مش مهم .. الظلم راح لكل بيت

مش مهم .. إنك علينا إفتريت

مش مهم .. إنك خلاص إتماديت

المهم النور حايجي لو شئت أوأبيت

المهم النور حايجي والنهايه ليك ياسيدي

يوم الحساب لك قريب .. وتقول ياريتني قلت حق

خواطر صعيدي

يابنت عيب اختشي ولبسي الحشمه

ليه الهدوم شفتشي ومبينه الوشمه

يابنت عيب اختشي وصوني شرف ناسك

دا الحياء يا بنت الناس هو تاج راسك

ومهما اقول ولا عيد يرجع لإحساسك

شرف البنيه يابنيتي معدود بأنفاسك

ولا انتي شايفه جمالك مشاع لكل الناس

يشوفه ولد الناس ويشوفه كمان هلاس

عندينا شرف البنيه ميزانه ميزان حساس

لايقدره مال ولا دهب ولا ماس

ليه الجمال عندك بتعرضيه بألوان

والوش لونه ماشي مع الجذمه والفستان

وهدو م ما تتلبسشي لالي تحتها يبان

وبقيتي كمان مسخره بشربك الدخان

توبي وارجعي لعقلك وبلاش من التوهان

وخلي الحيا توبك وخافي م الديان

وربنا يسلمك يا بنيه ويسلم بني الانسان