طبعا الكل يعرف المثل اللي بيقول .. "اللي ميعرفش يقول عدس" .. بس حد يعرف إتقال ليه ، وبسبب إيه ؟
يمكن في بعض من اخوانا يعرفوا اصل المثل لكن عموم الناس بتعرف تاكل العدس وبتشرب العدس .. واللي ما بيعرفش يقول عدس ....
يقال أنه إمرأه إتفقت مع عشيقها يجيلها بعد جوزها ما يخرج من البيت .. وقالت لجوزها ابقي هات عدس معاك المهم الزوج خرج والعشيق
دخل .. الزوج رجع وجايب العدس معاه دخل لقي الحادثه قدام منه .. العشيق هرب.. طلع يجري ورا منه مسكه وكان في ايده العدس
الناس إتلمت العشيق قال لهم بيضربني علشان شوية عدس .. الناس قالت ياعم حرام عليك بتضربه علشان شوية عدس .. الزوج قال صحيح
" اللي مايعرفش يقول عدس " ؛ ومن هنا كان المثل ..........
أنا باكتب المثل ده علشان الأستاذ / مصطفي بكري النائب المحترم ما يزعلش .. من رجوع ما شهد بما شهد من قول الحق ..
يا استاذ مصطفي .. النواب بتوعنا محصنين ضد التقارير ولا يهمهم حاجه .. وبعدين إزاي عاوز تحاسب رئيس الوزراء ، وكمان وزير
الماليه اللي بيصرف علينا وبيأكلنا .. يا أستاذ مصطفي همه مش هيقتلوك ولا حاجه.. بس هيسيبوك تهاتي .. وروح النيابه وتعالي من النيابه
ونشوف مين اللي يتعب .. وفي النهايه احكيلك حكايه .......
أقرع قابل أقرع صاحبه .. قاله ما تيجي نروح أرض القرعان نزرع ونقلع .. وإيش ما يطلع يطلع.. بس علي شرط .. النص ليه ، والربع
ليه ، والثمن ليه ، والثمن ليه وليك . . وسلامتك ..................
هناك تعليق واحد:
موضوع جميل وطريقة السرد اجمل شكرا لك اخي الكريم
اهنئك بهد المناسبة العضيمة
عيدك مبارك سعيد وكل عام وانت بالف خير
إرسال تعليق